मार्च ३
फुकुओका
जापान सरकार स्वास्थ्य, श्रम तथा कल्याण मन्त्रालयको २०२४ डिसेम्बर २६ को सुचना अनुसार फिलीपिन, नेपाल र भियतनाम गरी एसीयाका ३ देशबाट लामो समय (३ महिना भन्दा बढी) बसाइका लागी जापान प्रवेश गर्ने सम्पुर्णका लागी टीबी रोगको परिक्षण अनिवार्य गर्ने गरी सुचना प्रकाशन गरेको थियो । उक्त सुचनाका आधारमा पुन २०२५ फेब्रुअरी २८ तारीकका दिन अर्को सुचना प्रकाशन गरेर पहिलो चरणमा नेपाल, फिलीपिन र भियतनाम गरी ३ देशमा २०२५ मार्च २४ तारीकबाट परिक्षण सुरु गरिने र २०२५ जुन २३ तारीकबाट जापानमा प्रवेश अनुमति (COE) आवेदन दिँदा अथवा नेपालमा रहेको जापानीज दुतावासमा भिसा आवेदन दिँदा अनिवार्य टीबी रोग मुक्त प्रमाणपत्र पेश गर्नु पर्नेछ ।
दोस्रो चरणमा रहेका देशहरुमा म्यानमार, इन्डोनेसीया र चिन रहेका छन भने उक्त देशहरुमा कहिलेबाट परिक्षण सुरु गरिने भन्ने मिति तय भै सकेको छैन ।
यो जाँच अनिवार्य गरीनुको उद्धेश्य जापानमा टीबी रोगको फैलावट रोक्नु र सार्वजनिक स्वास्थ्यलाई सुरक्षित गर्नु हो ।
प्रकियाहरु
१. जापान सरकारबाट तोकिएको ठाँउमा गै एक्सरे र अन्य परिक्षण गर्ने ।
२. टीबी रोग नभएको अवस्थामा डाक्टरबाट निरोगीताको प्रमाणपत्र लिने ।
३. जापान आउनका लागी योग्यताको प्रमाणपत्र आवेदन दिँदा वा भिसा आवेदन दिँदा सम्बन्धीत निकायमा बुझाउने ।
परिक्षणका बारेमा थप जानकारी
१. म्याद कायम रहेको राहदानी
२. आवश्यक शुल्क (आवेदकले तिनुपर्ने )
३. आवश्यक चिकीत्सकको संख्या अनुसार प्रमाणपत्र निस्कने दिन फरक हुन सक्छ ।
४. आवेदकले प्रमाणपत्र जापान आइसकेपछि पनि पेश गर्नु पर्ने भएकाले वैधानिक प्रतिलीपी राख्नुपर्नेछ ।
जपानमा नयाँ बिरामीहरुको संख्या बढदै गएकोले टोकियो ओलम्पीक र पाराओलम्पीक २०२० भन्दा पहिलानै यस प्रि–इन्ट्री परिक्षण प्रकिया सुरु गर्ने भनिएता पनि कोरना भाइरसका कारणले सुरुवात भएको थिएन ।
